Acair, 2014
190 d.
[Klappentext]
Tha an Rìgh marbh, na Draoidhean a‑nis a’ riaghladh agus tha duine sam bith a bhruidhneas nan aghaidh a’ dol à sealladh gun sgeul orra tuilleadh. Tha eagal is mì-chinnt air an t‑sluagh agus ainm ri chluinntinn nach cualas fad iomadach ginealach: An Sgoil Dhubh.
Air eilean beag iomallach tha duine òg, Sgàire, a’ tachairt air dithis strainnsear air a’ mhòintich; toiseach turais a tha ag atharrachadh a bheatha gu tur agus ga thoirt tro chunnart is tro chogadh air an t‑slighe a bha an dàn dha linntean mus do rugadh e.
Tha Iain F. MacLeòid gar stiùireadh le sgil an fhìor-sgeulaiche feadh iomadh tìr is saoghal a tha ùr agus iongantach ach fhathast freumhaichte ann an draoidheachd is gaisgeachd nan seann uirsgeul.
Nach lìonmhor na saoghail a bheir Iain F. MacLeòid dha charactaran is dha sgeòil — feadhainn on latha an-dè cho math ri feadhainn nar latha fhìn: cuid eile ris nach suath mòran againn ach ann am bruadaran boillsgeach. Nì an sgrìobhadair seo uile le alt is faireachdainn agus le sàr-mhac-meanmna a ghlacas is a bhiathas miann an leughadair.
Màrtainn Mac an t‑Saoir
Standort: AA
Acair, 2015
138 d.
[Klappentext]
Èisdibh, mas àill leibh, laoidh
Air a‘ chuideachd chaoimh a dh’fhalbh…
Abair cuideachd, is abair sgeulachdan! Tha muinntir Nis an seo an iomadh riochd. Cuid a chaidh a‑null thairis, gu tric gu fuachd is cruadal. Cuid eile a dh’fhuirich aig baile, is chì sinn na rinn ‚s na thuirt iadsan, is muir is mòinteach far comhair an-còmhnaidh. Cha mhò a tha dearmad air gaol is leannachd. Laoidh a tha seo dhan t‑saoghal a bh‘ ann ‚s a th‘ ann, far an robh am Pablo is MacFhearchair, is far a bheil Anna à Eòrpaidh is Anna à Dail bho Thuath, cearcan-fraoich, pocannan plastaig is Super Mario!
Tha sgrìobhadh agus sgrìobhadh ann. Agus tha sgrìobhadh an duine seo sònraichte; mar gu snaigheadh clachair balla, clach an dèidh cloiche; mar gum bualadh gobha iarann, buille an dèidh buille. Aithnichidh tu a sgrìobhadh mus eil thu fada na chuideachd: soilleir, grinn le fiamh a‘ ghàire. Cha b‘ e a cheannach a rinn e.
Mark Wringe
Standort: AA
Urras Leabhraichean nan Eilean, 2009
112 d.
[gaelicbooks.org]
Ged nach robh beairteas mòr maoin aig Flòraidh NicDhòmhnaill is a teaghlach ann an ceàrn iomallach de dh’eilean Bheinn na Fadhla às dèidh an Dara Cogaidh, bha saidhbhreas de sheòrsa eile aca: bannan daingeann gràidh, caitheamh-beatha fallain, nàbaidhean còire taiceil, maise nàdair mun cuairt orra, agus pailteas de dh’ainmhidhean air an robh meas mòr aca. Agus anns an leabhar seo tha Flòraidh ag ath-chruthachadh an t‑saoghail a bh‘ aca le ealantas is dùrachd.
Tha 2 CD leis an leabhar, air a bheil Flòraidh ag innse an sgeulachd aice anns a‘ Ghàidhlig.
Übersetzung ins Japanische hier.
Standort: AA
Cothroman leasachaidh ann am foghlam tro mheadhan na Gàidhlig
Clò Ostaig, 2015
135 d.
[Klappentext]
Mar a sheall diofar phròiseactan rannsachaidh air soirbheas sgoilearan ann am foghlam tro mheadhan na Gàidhlig (FMG), tha an siostam foghlaim sin ag obrachadh fìor mhath bho thaobh amasan acadaimeagach. Ach, ged a tha FMG cho soirbheachail aig ìre foghlaim, tha e a´ togail ceann nach eil e coltach gu bheil mòran sgoilearan a´ cur an cuid Gàidhlig gu feum air taobh a‑muigh na sgoile idir, às bith cò ris a tha na sgilean cànain aca coltach.
Anns an leabhar seo, tha an Dr Sìleas L. NicLeòid a´ toirt sùil mhionaideach airson na ciad uair air beachdan agus tuigse nan sgoilearan FMG fhèin air a´ Ghàidhlig agus air FMG, air mar a tha iad a´ faireachdainn mun t‑suidheachadh ionnsachaidh aca, mun cuid chomasan sa Ghàidhlig agus mun t‑seòrsa dreuchd a th´ aig a´ Ghàidhlig nam beatha.
Tha an leabhar seo a´ cumail fòcas làidir air guth na cloinne fhèin, stèidhichte air agallamhan le 80 sgoilear bho air feadh na h‑Alba, eadar Clas 4 sa bhun-sgoil agus Bliadhna 2 san àrd-sgoil. Leis mar a thèid beachdan nan sgoilearan fhèin a chur ri beachdan nan inbheach, thathar a´ ruigsinn cho-dhùnaidhean agus mholaidhean a tha air leth cudromach do leasachadh FMG san àm ri teachd.
Standort: AA
CLÀR, 2004
277 d.
[Klappentext]
Nobhail chumhachdail eile bho Aonghas Pàdraig Caimbeul. Chì sinn teaghlach anns an Eilean Sgitheanach agus duine sònraichte aig a bheil buaidh mhòr air am beatha, ach ´s ann san àm ri teachd a tha seo, agus tha lathaichean doirbhe, dorcha a´ tighinn air a´ chinne-daonne. A dh´aindeoin sin, mairidh miann air saorsa, agus faodaidh rudan mìorbhaileach tachairt.
Tha an sgeulachd a´ sgaoileadh fad´ is farsaing tro thìm agus air feadh an t‑saoghail mhòir. Tha i a´ toirt dòchas dhuinn uile.
Standort: AA
Acair Earranta, 1990
180 d.
[Google Books]
Winner of the Prize for Literature at the 1991 National Mod. History and romance are the themes in this story, as readers follow the principal characters from the Highlands to their new life in Canada.
Standort: AA
U & R Chambers, 1979
116 d.
[Klappentext]
Tha triùir a´ fuireach leotha fhéin ann an àite iomallach. Tha tigh Choinnich faisg air a´ chladach; tha Ailean is Nellie a‑muigh air a´ mhòintich. ´S e deireadh an fhoghair a th´ ann, agus tha an obair a‑nis seachad. Chan eil dad ri dhèanamh ach suidhe ´n tac an teine, ith agus cadal.
Tha iad aosda. Dh´fhalbh an fheadhainn air an robh iad eòlach; dh´fhalbh iad bho chionn fhada, ´s chan fhaicear a‑nis ach asnaichean is tobhtaichean nan tighean aca, obair an làimh a´ dol fo ghlasach uaine.
Agus bithidh iadsan a´ cuimhneachadh orra. Bithidh iadsan a´ cuimhneachadh air iomadach rud an tac an teine, eadar cadal is dùsgadh, an obair dèanta agus dorchadas is fuachd a´ gheamhraidh romhpa aon uair eile. Tha a´ sgialachd seo ag innse mu latha agus oidhche ´nam beatha.
Standort: AA
CLÀR, 2006
157 d.
[Klappentext]
Tha an sgeula seo stèidhichte san là an-diugh agus tha i a´ togail air beatha thriùir dhaoine. ´S aithne do Bhellann, Ailig Iain agus Muriel a chèile, agus tha ruith na sgeòil a´ toirt orra roghainnean a dhèanamh a rèir bheachdan a thàinig bhon òige no a rèir nan dòighean gu bheil iad fhèin a´ sreap mar inbhich. Tha an suidheachadh sin a´ toirt dhuilgheadasan is briseadh-dùil nam beatha, agus tha aig gach duine aca fa leth ri gleac gus modhan is caitheamh-beatha a thogail dhaib´ fhèin ma tha iad idir a´ dol a lorg freagairt a bhios brìoghmhor dhaibh.
Tha an sgeula air a h‑innse ann an dòigh aotrom, thlachdmhor a ghlacas aire an leughadair. Tha beatha nan daoine seo a´ greimeachadh riut air dhòigh ´s nach eil e furasta an leabhar a chur sìos aon uair ´s gun tòisich thu air. Bho chuireas tu idir eòlas air an triùir a tha seo, bidh boil ort gus am faigh thu a‑mach dè fo shealbh mar a thèid dhaibh.
Seo a´ chiad leabhar de thrì mu bheatha an teaghlaich seo.
Standort: AA
Clò Hallaig, 2005
143 d.
[Klappentext]
Thairis air na bliadhnachan mu dheireadh tha eachdraidh ùr air a thighinn am follais mu Eileanan Gàidhealtachd na h‑Alba, eachdraidh bheòthail iongantach a sheallas dhuinn mar a bha muinntir nan Eilean an teis-meadhan ghnothaichean eaconamach, poilitigeach agus cultarach airson còrr is mìle bliadhna. B´ e àite soirbheachail misneachail adhartach a bh´ anns na h‑Eileanan, far an robh an sluagh Gàidhealach a thaobh cultair is cànain, agus aig an aon àm a´ cumail ceum ris a´ chòrr den Eòrpa.
Tha an leabhar seo, stèidhichte air an t‑sreath telebhisein Rìoghachd nan Eilean a chaidh a chraoladh air BBC Alba agus a choisinn moladh mòr, ag innse na sgeulachd sin. Le cuideachadh na h‑eachdraidh, ´s urrainn dhuinn smaoineachadh air mar a thèid ar dùthaich ath-nuadhachadh anns an àm ri teachd.
Chaidh Domhnall Uilleam Stiùbhart a thogail air a´ Bhac ann an Eilean Leòdhais. Tha e a‑nis ag obair ann an Oilthigh Dhùn Èideann, aig Ceiltis agus Sgoil Eolais na h‑Alba.
Standort: AA
Llanerch Press / Clò Charraig, 2003
267 d.
[Klappentext]
Se Dùn Aluinn a´ chiad nobhail sa Gàidhlig a bh´ ann. Air sgath sin, tha e cudromach do litreachas na h‑Alba. Clasaig gu dearbh. San sgeul, thachair sin air Cailean òg, gaisgeach na tiotal. Tha e ´na oighre den uachdar aintighearnach, agus theid e a‑mach le athair, mu dheidhinn „curam“ an tuath aca. A bharrachd air sin, thachair a h‑uile rud san nobhail seo … Murt, Gaol, Eucoir, Upraid, Aimhreit, Conspiracy 7c.
Deagh leughadh da riribh …
Standort: AA
